Die tromslaner

Charlie Coulson

’n Vergeelde boekie wat meer na ’n traktaatjie gelyk het as na ’n boek, het in ons huis beland en het lank onder in ’n boks in ons buitekamer gelê. Op ’n dag het ons besluit om orde te skep. In die proses het ons op die boekie afgekom.

My man het besluit om eers die boekie deur te blaai voor hy dit weggooi. So is verseker dat die skat wat in ons stoor gelê het, ons harte bereik.

Hierdie boekie is die aangrypende getuienis van dr. ML Rossvally, snydokter in die Verenigde State se weermag tydens die Amerikaanse Burgeroorlog wat in die laaste helfte van die negentiende eeu, 3 Junie – 13 Julie 1863, plaasgevind het. Dit het in boekvorm verskyn onder die titel:

Charlie Coulson – The Drummer Boy

en is deur die volgende mense uitgegee:

Evangelical Mission Press

Posbus 72, Belville, 7530

Suid-Afrika

Hierdie herdruk van die boekie is gedoen met die toestemming van John Ritchie, Ltd. Kilmarnock, Skotland.

Die reaksie van almal aan wie ek hierdie boekie gegee het om te lees, was genoeg rede vir my om hierdie werk in Afrikaans te vertaal. Almal (jonk, oud, liefhebber en nie-liefhebber van lees) het getuig daarvan dat hulle die boekie nie kon neersit voordat hulle dit gelees het nie. Ek wil beslis gehoor gee aan die versoek om hierdie werk beskikbaar te stel aan elkeen wat kan lees.

Lees dit. Jy sal verseker nie spyt wees nie!

Die vertaler

 

Die boekie is as E-boek in Afrikaans beskikbaar op die web by: www.WoordVerspreiding.co.za

Kliek op “GELOOFSGYM” en gaan na Elektroniese Boeke.  Jy kan selfs die boekie aflaai van die internet af en dit uitdruk as jy wil.  Gaan na “Download attachments:” en dan na DIE TAMBOERSLANER.  Dit is egter vir ons baie belangrik dat jy sal terugvoer gee hieroor.

My gebed is werklik:

“Laat U Naam geheilig word,

Laat U Koninkryk kom,

Laat U wil geskied.”

Vir diegene wat gemakliker is met Engels is daar goeie nuus: die boekie is ook in Engels beskikbaar. Tik net die titel in op Google, en siedaar!

Ons sluit ’n kort uittreksel in as aptytwekker.

God het uit Sy genade my hart twee of driemaal in my lewe aangeraak voor my bekering en tweemaal was ek onder diepe sonde-oortuiging.

Gedurende die Amerikaanse Burgeroorlog was ek ’n sjirurg in die Amerikaanse Weermag.  Ná die slag van Gettysburg was daar letterlik honderde gewonde soldate in die hospitaal.  Agt-en-twintig van hulle was só erg gewond dat hulle my dienste onmiddellik benodig het: van sommige moes ek ’n been of bene amputeer, van ander arms en van nóg ander ’n arm én ’n been.  Een van hierdie ongevalle was ’n seun wat nog maar net drie maande in diens was.  Hy het aangesluit as ’n tamboerslaner omdat hy te jonk was vir aktiewe diens.  Toe my assistent-sjirurg en een van die verpleërs die seun chloroform wou gee, het hy sy kop weggedraai en dit beslis geweier.

Toe die verpleër vir hom sê dat dit doktersbevele was, het hy gesê: “Stuur asseblief die dokter na my toe.”

By sy bed gekom, het ek gesê: “Jongman, waarom weier jy die chloroform? Toe ek jou op die slagveld gekry het, was jy so ver heen dat ek gedink het dis amper nie die moeite werd om jou op te tel nie!  Maar toe jy jou groot blou oë oopmaak, het ek daaraan gedink dat jy iewers ’n moeder het wat dalk juis op daardie oomblik aan jou gedink het.  Ek wou nie hê jy moes op die slagveld sterf nie, daarom het ek beveel dat jy hierheen gebring moes word.  Jy het nou al so baie bloed verloor dat jy te swak is om ’n operasie te deurstaan sonder chloroform.  Jy moet my dus liewer toelaat om jou ’n bietjie chloroform te gee.”

Die seun het sy hand op myne gelê en in my gesig opgekyk: “Dokter, een Sondagmiddag in die Sondagskool – ek was nege-en-’n-half jaar oud – het ek die Here Jesus Christus aangeneem as my Verlosser. Ek het Hom toe leer vertrou, en sedertdien vertrou ek Hom … en ek weet dat ek Hom nou ook kan vertrou.  Hy is my Krag en my Sterkte; Hy sal my ondersteun terwyl u my arm en been afsit!”

Advertisements

About baptistekerkkemptonpark

Commissionerstraat 85
This entry was posted in Biografie and tagged . Bookmark the permalink.