Die Woord van God op RSG en Radio Kansel

Radio Microphone

Ek is bevoorreg om die laaste klompie jare RSG Dienste en Oordenkings te kon laat uitsaai.  Ook is ek betrokke om elke Dinsdag oggend ‘n Christelike Nuus Kommentaar oor die 07:00 Nuus op Radio Kansel te kan behartig.

Die terugvoer wat ek telkens gekry het, is dat mense op soek is na Bybel prediking.  Ek was eintlik geskok om hulle algemene belewenisse te hoor van baie kerke wat alles behalwe die Bybel predik, en natuurlik ook nie vir Christus sentraal stel nie.

In gevalle het mense selfs van die buiteland af kommentaar gelewer.  ‘n Vrou uit Kanada het per geleentheid haar dank uitgespreek vir die boodskap oor die lug, want sy was by vele kerke, en niemand is ingestel op Bybelse prediking nie.  Tereg is ons leuse  Kol. 1:28:  “Hom verkondig ons, terwyl ons elke mens vermaan en elke mens in alle wysheid onderrig, om elke mens volmaak in Christus Jesus voor te stel; waarvoor ek arbei en stry volgens sy werking wat in my werk met krag.”

Wat my veral getref het, is baie mense in Aftree Oorde wat nie meer in staat is om kerk toe te kan gaan nie, en tevrede moet wees met afgewaterde prediking.  Ek wil dit baie duidelik stel, dit gaan nie oor my nie, maar oor die standaard wat ons as ABK Leraars handhaaf.  Ek het net weer besef dat ons regtig uittroon bo baie ander.  En ek wil nie hierdeur geestelike hoogmoed of arrogansie voorgee nie, maar ek sê dit as ‘n feit.

Soveel mense ken die Baptistekerk glad nie, en ek bid en vertrou dat my deelname daar, ‘n geleentheid is om die ABK te promoveer.  Mag Hy verheerlik word, en mag ons boodskap en ons geliefde ABK die heerlikheid van God die Aardbodem laat vul.

Theuns Pieters

Advertisements

About baptistekerkkemptonpark

Commissionerstraat 85
This entry was posted in Verslae. Bookmark the permalink.