Ondersoek die Skrifte (deel 2)

’n Praktiese hulpmiddel om die Skrif beter te verstaan[i]

Search the Scriptures

Liewe lesers, hier is die volgende gedeelte uit die Bybel wat jy kan lees en dan die vrae kan beantwoord na aanleiding van die gedeeltes.

Die volgende dien slegs as ’n aanbeveling vir diegene wat die Skrif beter wil leer ken.

Onthou die volgende punte is belangrik:

  1. Bid voordat jy begin. Erken in nederigheid jou afhanlikheid van God en vra dat die Heilige Gees jou oë sal oopmaak en vir jou geestelike begrip en verstand sal gee.
  2. Lees die Skrifgedeelte voordat jy die vrae lees. Die rede hiervoor is dat jou belangstelling in die gedeelte beperk sal wees tot daardie spesifieke detail waarop die vrae fokus as jy vooraf weet wat die vrae is.
  3. Lees nou die vrae en enige aantekeninge oor die Skrifgedeelte. Dink na oor die Skrifgedeelte in die lig van die vrae wat gevra word.  Probeer dan om die vrae te beantwoord.  Dit sal jou help met vir jou konsentrasie.
  4. Skryf jou antwoorde op die vrae in ’n notaboek neer. Dissiplineer jouself om dit te doen, anders gaan jy dalk net ’n vae begrip hê van wat gevra is.

 

Lukas 1:26 – 38

Lees die Skrifgedeelte.

Kyk weer na verse 31-33 en 35.  Watter kenmerke van die Persoon en sending van die Beloofte Kind kan in die woorde van die engel onderskei word?  Maak ’n lys daarvan.

 

Die Psalms [ii]

Daar word gesê dat die volgende Psalms gepas is vir Kersfees; trouens, in die tradisie van sekere denominasies word hierdie Psalms deel van die eredienste oor die Kersgety: Psalms 19; 45; 85; 89; 110 en 132.

Kies een van bogenoemde Psalms en skryf aantekeninge oor die gepastheid daarvan vir Kersfees.  Met ander woorde: hoe is hierdie Psalms profeties? (Study the teaching in the “proper” psalms for Christmas as prophetic of the events which this festival commemorates.)

N.S.: Ons sal graag hoor van julle wat hierdie oefening gedoen het.  Laat asb. weet as jy voel dit is van waarde… Skakel Rex by 072 124 5830 of stuur ’n e-pos aan rex@abk.co.za.

 

[i] The New Bible Handbook, Editor: G.T. Manley, Published by the Inter-Varsity Fellowship. 1950

[ii] Search the Scriptures, General Editor: Rev. Alan M. Stibbs, M.A.

Advertisements

About baptistekerkkemptonpark

Commissionerstraat 85
This entry was posted in Bybel. Bookmark the permalink.